အစ္စလာမ့်အကြောင်းသတင်းမှားများနှင့် မုစ်လင်(မ်)တို့၏ တာဝန်ဝတ္တရားများ

အလွန်တရာ တနားညှာတာကြင်နာတော်မူသော မဟာဂရုနာရှင်ဖြစ်တော်မူသော
အလ္လာဟ်အသျှင်မြတ်၏ မေတ္တာရိပ်အောက်မှ ကွန်းခိုအစပြုပါ၏

အစ္စလာမ့်အကြောင်းသတင်းမှားများနှင့် မုစ်လင်(မ်)တို့၏ တာဝန်ဝတ္တရားများ

အစ္စလာမ်သည် အလ္လာဟ်၏ အမိန့်ကိုနာခံတည်ဆောက်ခြင်းဖြင့် ငြိမ်းချမ်းမှုကို ရယူသော လမ်းစဉ် ဖြစ်သည်။ အစ္စလာမ့်လမ်းစဉ်သည် လောကကြီးအား ငြိမ်းချမ်းသာယာစေရန်နှင့် လှပကောင်းမွန်စေရန် ဖန်တီး ဆောင်ရွက်ရန်ပင်ဖြစ်သည်။ ယခုအခါ အစ္စလာမ်ကို အရှိန်အဟုန်နှင့် ပျံ့နှံ့နေသော သာသနာ (Dynamic Religion) နှင့် ကမ္ဘာပေါ်၌ အလျင်မြန်ဆုံး ပျံ့နှံ့နေသော သာသနာ (The fastest growing religion in the world is Islam) ဟု ကမ္ဘာက ပြောဆိုနေကြပေသည်။ သို့သော် ပျံ့နှံ့မှုနှင့်အတူ အစ္စလာမ်အပေါ် လုပ်ကြံပြီး သတင်းမှားများဖြင့် ၀ါဒဖြန့်ခြင်းကိုလည်း ခံနေရပါသည်။ မိမိတို့အတွင်းမှ အချို့ကလည်း စစ်မှန်သည့် အစ္စလာမ့် တရားတော်ကို မတင်ပြနိုင်ဘဲ မှားယွင်းစွာ ရှင်းလင်းတင်ပြမှုများလည်း ရှိနေပါသည်။ မည်သို့ပင်ဖြစ်စေ ယနေ့ အခါတွင် ကမ္ဘာပေါ်၌ အထင်အမြင်လွဲမှားမှု အခံရဆုံး သာသနာမှာ အစ္စလာမ်ပင်ဖြစ်သည်။ ထိုသို့ အမြင်မှား နေမှုများကို ပြန်လည် ဖြေရှင်းရမည့် တာဝန်မှာ မုစ်လင်(မ်)များ၏ တာဝန်ပင်ဖြစ်ပါသည်။
အနောက်နိုင်ငံများတွင် အစ္စလာမ်နှင့် ပတ်သက်ပြီး သတင်းအမှားများမှာ ပျံ့နှံ့လျက်ရှိသည်။ ဤသတင်းမှား အချက်အလက်များမှာ အာရှနှင့် အာဖရိကနိုင်ငံများမှာသာမက မုစ်လင်(မ်)နိုင်ငံများတွင် ထုတ်သော ကျောင်းသုံး စာအုပ်များနှင့် မီဒီယာများမှာပါ စီးဝင်လျက်ရှိနေလေရာ ကမ္ဘာတစ်လွှားရှိ လူငယ်မျိုးဆက်များ အကြားမှာပါ စွဲငြိကြီးစိုးနေလေသည်။ ယင်းသို့သော အခြေအနေများက မြောက်အမေရိကနှင့် မုစ်လင်(မ်)နိုင်ငံများ အပါအ၀င် ကမ္ဘာတလွှားရှိ မုစ်လင်(မ်)များအပေါ်မှာ ဆိုးကျိုးကိုသာ အဖက်ဖက်မှ နည်းမျိုးစုံနှင့် ဂယက်ထလျက် ရှိနေလေသည်။ ယင်းအချက်အလက်များက ကျောင်းသုံးစာအုပ်များ၊ ၀တ္ထုနှင့် ၀တ္ထုမဟုတ်သော စာစုများ၊ ရည်ညွှန်းစာအုပ်များ၊ စွယ်စုံကျမ်းများ၊ မဂ္ဂဇင်းများ၊ ဂျာနယ်များ၊ သတင်းစာများ၊ ရုပ်မြင်သံကြားနှင့် ရေဒီယို များမှာပါ လွှမ်းချင်တိုင်း လွှမ်းနေပေသည်။ ဥပမာ အချက်အလက်အချို့ကို ကြည့်ကြပါလျှင် -
(၁) အမေရိကန်ပြည်ထောင်စု အီလီနွိုက်နယ်၊ ဂျီကာဂိုမြို့မှ ထုတ်ဝေခဲ့သော ဆေးပညာစွယ်စုံ ကျမ်းတစ်ခုတွင် တမန်တော်မြတ် မုဟမ္မဒ်(ဆွ)၏ အမည်ကို လူသိများထင်းရှားပြီး ၀က်ရူးပြန် ရောဂါရှိနေသူတို့၏ အမည်များ ထဲတွင် ဖော်ပြထားသည်။
(၂) ၁၉၈၁ ခုနှစ်က ထုတ်ဝေခဲ့သော ခရစ်ယာန်စာပေတစ်ခုတွင် စောစောပိုင်း အစ္စလာမ်ပြန့်ပွား ပုံနှင့် ပတ်သက်ပြီး အောက်ပါအသုံးအနှုန်းများဖြင့် ဖော်ပြထားသည်။
“ယုံကြည်ချက်သစ်၏ ကိုယ်ကျင့်တရားပေါ့ပျက်မှု၊ ဓား၏အင်အား၊ ဘာသာသစ်၏ အယူသည်း ၀ါဒ၊ မုဟမ္မဒ်၏ လိမ္မာပါးနပ်မှု၊ လုယက်မှု၏မျှော်လင့်ချက်၊ ဓနချမ်းသာကို ချစ်ခင်မှုနှင့်သူခဘုံကို ကာမ ဂုဏ်မက်လုံးပေး ဖြားယောင်းမှုတို့ကပင် ယနေ့ ကမ္ဘာ့လူဦးရေ၏ ခြောက်ပုံတစ်ပုံမှ လက်ခံထား သော အစ္စလာမ် ဘာသာတရား၏ ပြန့်ပွားရပုံ အကြောင်းများထဲမှ အကြောင်းများပင် ဖြစ်ပါသည်။
(၃) အမေရိကန်ပြည်ထောင်စုမှ ထုတ်ဝေခဲ့သည့် စတုတ္ထဆင့် သမိုင်းပြဋ္ဌာန်းစာအုပ်တွင် တမန်တော် မုဟမ္မဒ်(ဆွ)နှင့် ပတ်သက်ပြီး ကုလားအုတ်မောင်းသမားခေါင်းစဉ်ဖြင့် ဆောင်းပါး တစ်ပုဒ်ပါရှိသည်။ ဤဆောင်းပါးမှာပင် ၉နှစ်၊ ၁၀နှစ်သား ကလေးများကို အစ္စလာမ်တွင် အမျိုးသမီးများ၏ အဆင့် အတန်းနှင့် ပတ်သက်ပြီး အောက်ပါအတိုင်း ပြောထားခဲ့သည်။
“ ... သူတို့က မိန်းမသည် ယောက်ျား၏ ကျွန်ဖြစ်သည်ဟု ယုံကြည်ထားကြသည်။ ယောက်ျားများ သည် မိန်းမအများအပြားကို တစ်ချိန်တည်းမှာပင် သူတို့ဆန္ဒရှိသလောက် ယူနိုင်ကြသည်။
စာရေးသူက အစ္စလာမ်ပြန့်ပွားပုံ အကြောင်းကိုလည်း ကလေးများကို ပြောပြထားသေးသည်။
“ ... တစ်ဖက်က ဆန္ဒရှိရှိ မရှိရှိ မကြာမီမှာပင် သူတို့က လူတွေကို အတင်းအဓမ္မ စတင် မုစ်လင်(မ်)ဖြစ်စေခဲ့သည်။ ဓားပြကြီးများပမာ ‘အသက်မသေချင်ရင်ငွေရှိသမျှ ထုတ်ပေး’ ဟု ဆိုကြသည်။ ပိုက်ဆံလား၊ ဒါမှမဟုတ် အသက်လား၊ ဒါမှမဟုတ် မုစ်လင်(မ်)အဖြစ်ခံမလားဟု လူတိုင်းကို ခြိမ်းခြောက် တတ်ကြသည်။

လူကြီးပဲဖြစ်ဖြစ်၊ လူငယ်ပဲဖြစ်ဖြစ် ဤပုံစံမျိုးတင်ပြချက်များကို ဖတ်ခဲ့ကြရသည်တွင် ရှေ့ဆက်ပြီး အစ္စလာမ့် အကြောင်းကို ဘာမှမသိလိုခဲ့ကြတော့ချေ။ ဤအတွက် လူများ၏ နှလုံးသားကို ဖွင့်ပေးရန်တာဝန်က ကျွန်ုပ်တို့မှာ ရှိနေပေသည်။ သို့မှသာ သူတို့က အစ္စလာမ်ကို လက်မခံခင်အလျင် ဤအယူဝါဒကို ဖတ်ရှုကြမည်၊ လေ့လာကြမည် ဖြစ်ပေသည်။ အစ္စလာမ် နှင့်ပတ်သက်ပြီး လူတွေ၏ စိတ်ထဲတွင် အဆိပ်မသင့်စေရေးငှာ ဤသို့သော မဟုတ်မဟတ် ၀ါဒဖြန့်မှုကြီးကို ဖယ်ရှားပစ်ရေးတာဝန်က မုစ်လင်မ်များအပေါ်မှာ တင်ရှိနေပေသည်။ ယင်းတာဝန်က ဖွရသွေကိဖွာ ယဟ် ဖြစ်သည်။ မည်သူကမှ ဤအလုပ်ကို မလုပ်ခဲ့သော် အစ္စလာမ် ဆန့်ကျင်ရေး အင်အားစုများက လုပ်ချင် ရာလုပ် ထင်တိုင်းကြဲနေကြခြင်းကို အလိုတူအလိုပါပြစ်မှုနှင့် အလ္လာဟ်ရှင်ထံပါးမှ စစ်ဆေးမေးမြန်းခြင်း ခံကြရမှာ ဖြစ်သည်။
အလ္လာဟ်အရှင်မြတ်က ဤသို့မိန့်တော်မူထားပါသည် -

”၄င်းအပြင် အသင်တို့တွင် အဖွဲ့အစည်း တစ်ခုရှိရပေမည်။ ထိုအဖွဲ့အစည်းက လူတို့အား ကောင်းရာကောင်း ကြောင်း (အစ္စလာမ်နှင့်အရှင်တစ်ဆူတည်းဝါဒ)ဘက်သို့ ဖိတ်ခေါ်ကြရမည်။ ထို့ပြင် ကောင်းမြတ်သောအရာများ (အစ္စလာမ်က လုပ်ခိုင်းထားသည်များ) ကိုညွှန်ကြားကြရမည်။ မကောင်းမှုများ (အစ္စလာမ်က တားမြစ်ထားသည်များ) ကို တားမြစ် ပိတ်ပင်ကြရမည်။ ယင်းသို့သော သူများသာ အောင်မြင်ကြရာသည်။”
(ကျမ်းမြတ်ကုရ်အာန် ၃း၁၀၄)

မုစ်လင်(မ်)များအနေဖြင့် ဆောင်ရွက်ကြရမည်မှာ အစ္စလာမ့်သတင်းအချက်အလက်များနှင့် ပညာရေးဂျာနယ် စာအုပ်စာစောင်များထုတ်ဝေပြီး မုစ်လင်(မ်)များ၏ အသိပညာများကို မြှင့်တင်ပေးရေးအတွက် အစ္စလာမ့်ယုံကြည်ချက် များ သမိုင်း၊ ယဉ်ကျေးမှုများနှင့် ကိုယ်ကျင့်တရား ပညာရပ်များကိုပါ သင်ကြားပို့ချဆောင်ရွက်သွားရေးပင် ဖြစ်သည်။
မုစ်လင်(မ်)အဖွဲ့အစည်း အတွင်းတွင် မုစ်လင်(မ်) သစ်လွင်များကို သမူဟဖြစ်ပေါင်းစည်းပေးရေးအတွက် ကြိုးပမ်းဆောင်ရွက်ချက်ကလည်း အပ်စပ်သော ဦးတည်ချက် တစ်မယ်ဖြစ်သည်။ သူတို့ကို အစ္စလာမ့်နည်းက လေ့ကျင့်ပျိုးထောင်ပေးရေးသည်လည်း ပါဝင်ပါသေးသည်။ သို့မှသာ သူတို့၏ အသိုင်းအ၀ိုင်းထဲတွင် သူတို့ကလည်း မုစ်လင်(မ်) လုပ်သားများပင် ဖြစ်ကြပါသည်။

မုစ်လင်(မ်)တို့ လုပ်ဆောင်ရမည့်တာဝန်မှာ -
(၁) အသင်တို့နှင့် နီးစပ်ရာ စာပေများနှင့် ပြဋ္ဌာန်း စာအုပ်မျိုးစုံနှင့် မူလတန်းမှစပြီး တက္ကသိုလ် ကောလိပ် အဆင့်ထိပါမကျန် အကုန်အစင် ရည်ညွှန်းကျမ်းများပါမကျန် စေ့ငှစွာဖတ်ရှုပါ။ အစ္စလာမ်၊ မုစ်လင်(မ်)များနှင့် ပတ်သက်ပြီး စာရေးသူဘက်မှ တင်ပြထားသည်ကို မြင်အောင်ကြည့်ပါ။ အမှားသို့မဟုတ် သံသယပွားဖွယ်ရာ အချက် အလက်တစ်စုံတစ်ရာကို တွေ့ရှိခဲ့ပါက မိတ္တူကူးယူပါ။ စာအုပ်အမည်၊ စာရေးသူ၊ ထုတ်ဝေသူ၊ ထုတ်ဝေသည့် နှစ်တို့ကို ချရေးပြီး အချက်အလက်အစုံကို စုဆောင်းထားပါ။ ထို့နောက် နီးစပ်ရာ အစ္စလာမ်အဖွဲ့အစည်းတစ်ခုခုသို့ အကြောင်း ကြားပါ။
(၂) အဆွေနေထိုင်ရာဒေသနှင့် ယင်းပြင်ပဒေသမှ မိတ်ဆွေများကိုပါ အထက်တွင် ချပြထားသော လမ်းကြောင်းအတိုင်း အဖွဲ့အစည်းနဲ့ ပူးပေါင်းဆောင်ရွက်သွားကြရေးကို တောင်းဆိုသွားပါ။
(၃) မုစ်လင်(မ်)မဟုတ်သူများက မကြာခဏဆိုသလို မေးမြန်းလာကြသော အချက်အလက်များနှင့် ပတ်သက်ပြီး အဖြေများပါရှိသော စာကောင်းပေကောင်း (စာအုပ်၊ စာစောင်၊ လက်ကမ်းစာစောင်များ)ကို အဖွဲ့အစည်း များက ရယူပြီး ထုတ်ဝေဖြန့်ဖြူးပေးပါ။ အဆွေကိုဖြစ်စေ အဆွေ၏ မိတ်ဆွေနှင့် မိတ်ဆွေမဟုတ်သူများကိုဖြစ်စေ မိတ်ဆွေများ၏ အိမ်နီးချင်းများကိုဖြစ်စေ ဤအဖွဲ့က ယင်းသို့သော စာပေများကို အခမဲ့ဖြစ်စေ အဖိုးစားနား အနည်း ငယ်နှင့်ဖြစ်စေ စီစဉ်ထုတ်ပေးပါ။ သို့မှသာ စာပေကိစ္စအတွက် ပညာရေးနှင့် ဆိုင်သော အစ္စလာမ့်အဖွဲ့အစည်းများကို ဆက်သွယ် စုံစမ်းသွားနိုင်ပါသည်။
(၄) ယင်းလုပ်ငန်းနှင့် နည်းစနစ်ပိုမိုတိုးတက် ကောင်းမွန်သထက် ကောင်းမွန်စေရေးအတွက် အဆွေ ဘက်မှ အကြံဉာဏ်ကောင်းများပေးပို့ပါ အတွေ့အကြုံကောင်းနှင့် ယှဉ်ပြီး သင်ယူစရာရှိသည်ကို သင်ယူသွားရပါမည်။ ယင်းလုပ်ငန်းစဉ်အတွက် အကူအညီပေးနိုင်မည့် တသီးပုဂ္ဂလများနှင့် အဖွဲ့အစည်း၏ အမည်နှင့် လိပ်စာများကိုပေးပို့ပါ။
(၅) အစ္စလာမ်၏ သစ္စာတရားနှင့်ပတ်သက်၍ သိမထားသူများသို့ အစ္စလာမ့်သတင်းစကားကို ဖြန့်ဖြူး ပေးရေးနှင့် လူတို့ကို အစ္စလာမ်ဘက်သို့ ဖိတ်ခေါ်ဖို့အတွက် အသင်၏ တာဝန်ပိုင်းကို ဖြည့်ဆည်းပေးနိုင်မည့် စာနယ်ဇင်း၊ စာတမ်း လက်ကမ်းစာများ၊ ရုပ်/သံ ပစ္စည်းများကို စုဆောင်းပါ။ မုစ်လင်(မ်)တိုင်းတွင် ကုရ်အာန်ဘာသာ ပြန်ရှိသင့်ပါသည်။ ကုရ်အာန်၏ ဘာသာစကားအရ ယှဟာဒဟ်ဟူသော ကြိုးပမ်းချက်တစ်ရပ်အတွက် ပတ်သက်ပြီး တာဝန်ကျေ/မကျေကို ကျွန်ုပ်တို့ မုစ်လင်(မ်)အားလုံးမှာ တရားစီရင်ရာနေ့ကြီးဝယ် စစ်ဆေးမေးမြန်းခံကြရမှာ ဖြစ်ပါသည်။ (ကြည့် - ကုရ်အာန် ၂း၁၄၃၊ ၄း၄၁၊ ၂၂း၇၈)

ယေဘုယျအားဖြင့် ကမ္ဘာတစ်လွှားနှင့်အထူးသဖြင့် ကျွန်ုပ်တို့နေထိုင်ရာ ဒေသတစ်လွှားအတွက်ပါ ဤတာဝန် ၀တ္တရားများကို ဖြည့်ဆည်းပေးသွားရေးအတွက် အစ္စလာမ့်အဖွဲ့အစည်းများနှင့် ဆက်သွယ်ပြီး လူကြီးမင်းနဲ့စာရေးသူပါ မကျန် နှစ်ဖက်ပူးပေါင်းပြီး မည်သို့ပူးပေါင်းလုပ်ဆောင်သွားနိုင်ပုံကို ဖွေရှာနိုင်ရေးအတွက် အဆက်အသွယ်ပြုရပေမည်။
ကျွန်ုပ်တို့၏ ယုံကြည်ရာ အကြောင်းနှင့်ပတ်သက်၍ ပကတိဖြူစင်စွာနှင့်ငွေအား၊ အချိန်အားဖြင့် မမှိတ်မသုန် လုပ်ဆောင်သွားခဲ့ကြမည်ဆိုပါက အလ္လာဟ်အရှင်မြတ်၏ အကူအညီကို မုချ ကျွန်ုပ်တို့ မုစ်လင်(မ်)များရကိုရရှိမှာဖြစ် ပေသည်။ ကျမ်းတော်မြတ်ကုရ်အာန်တွင် အလ္လာဟ်အရှင်မြတ် ကတိပြုထားသည်မှာ -

“ထိုအရှင်မြတ်သည် မိမိရစူလ် (မုဟမ္မဒ်)အား တရားလမ်းညွှန်နှင့်တကွလည်းကောင်း၊ မှန်ကန်သော ဒီးန်(ဘ၀လမ်းစဉ်)နှင့်တကွလည်းကောင်း၊ ယင်းကို အားလုံးသော ဒီးန်များ ဘာသာတရားများနှင့် အခြားသော ၀ါဒစနစ်များထက်ဝယ် လွှမ်းမိုးစေတော်မူအံ့သောငှာ စေလွှတ်တော်မူခဲ့၏ အမှန်သော်ကား အလ္လာဟ်အရှင်မြတ်သည် သက်သေဖြစ်လုံလောက်တော်မူပေသည်။”
(ကျန်းမြတ်ကုရ်အာန် - ၄၈း၂၈)