ကျေးဇူးတရားသိတတ်ခြင်း (တမန်တော်စူလိုင်မာန် နှင့် ပုရွက်ဆိတ်)

myanmarislam.com

ဒီအပတ်မှာကျွန်တော့်အနေနဲ့ကျေးဇူးတရားသိတတ်ခြင်းဆိုတဲ့အကြောင်းကိုတင်ပြလိုပါတယ်။ ဘာကြောင့်လဲဆိုတော့“ကုဖ်ရ်”´ဆိုတဲ့သဘောမှာ(၁)အမှန်တရားကိုငြင်းပယ်ခြင်း(၂)အမှန်တရားကိုဖုံး
ကွယ်ခြင်းနဲ့(၃)ကျေးဇူးကန်းခြင်းဆိုတာတွေပါဝင်ပါတယ်။ကိုယ့်အပေါ်မှာရှိတဲ့ကျေးဇူးတရားကိုမသိတတ်တာ
လည်းမကောင်းဘူး။ကျေးဇူးကန်းတာကတော့ပိုဆိုးတာပေါ့။
ဒါကြောင့်ကျေးဇူးတရားသိတတ်ခြင်း(Shukr)ဟာလူ့ကိုယ်ကျင့်တရားမှာအရေးကြီးပါတယ်။  ဒီအကြောင်းကိုတမန်တော်စူလိုင်မာန်နဲ့ပုရွက်ဆိတ်ကလေးရဲ့သာဓကကိုအကြောင်းပြုပြီးတင်ပြလိုပါတယ်။

တမန်တော်မူစာ(အလိုင်)ဟာ အီဂျစ်ရဲ့ကျွန်ဘ၀ရောက်နေခဲ့တဲ့ အစ္စရေးလ်လူမျိုးတွေကိုကယ်တင်ခဲ့ပြီး

ဆိုင်းနိုင်းကျွန်းဆွယ်ကိုရောက်ရှိလာခဲ့ကြပါတယ်။အလ္လာဟ့်ဘက်ကထူးဆန်းတဲ့ကူညီမှုတွေလည်း  ရခဲ့ကြပါတယ်။ဒါပေမယ့်အစ္စရေးလ်လူမျိုးတွေဟာအနှိုင်းမဲ့ကိုးကွယ်ရာမြတ်အလ္လာဟ်ရဲ့ကျေးဇူး၊  တမန်တော်မူစာ(အလိုင်)နဲ့တမန်တော်ဟာရွန်(အလိုင်)တို့ရဲ့ကျေးဇူးကိုလစ်လျူရှုပြီးရွှေနွားရုပ်သွန်းလုပ်ပြီး
ကိုးကွယ်မှု၊အရက်သေစာသောက်စားမှုစတဲ့  ကိုယ်ကျင့်တရားဖေါက်ဖျက်မှုတွေပြုလာခဲ့ကြပါတယ်။  လွတ်လပ်တဲ့နိုင်ငံထူထောင်ဖို့အမျိုးသားစိတ်ဓါတ်ပါပျောက်ဆုံးပြီးတမန်တော်မူစာ(အလိုင်)ကို``အလ္လာဟ်နဲ့  အသင်ရန်သူတွေကိုသွားတိုက်ကြပါ။ပြီးမှငါတို့ကိုခေါ်ပါ´´လို့တောင်တာဝန်မဲ့တဲ့စကား၊စော်ကားတဲ့စကား
မျိုးတွေ  ပြောလာခဲ့ကြတဲ့အတွက်  အလ္လာဟ်ကသူတို့ကို နှစ်ပေါင်း(၄၀)ကန္တာရထဲမှာပစ်ထားလိုက်ပါတယ်။ မိမိရဲ့တမန်တော်တွေကိုလည်း ပြန်လည်ရုပ်သိမ်းခဲ့ပါ တယ်။

(ကုရ်အာန်၊ ၂၀း၈၆-၉၇)

          ဒီလိုနဲ့  ကျေးဇူးကန်းပြီး  အမှန်တရားကို  မလိုလားတဲ့မျိုးဆက်တစ်ခု  ကျော်လွန်ပြီး  မျိုး  ဆက်သစ်ထဲမှာ

တမန်တော်ဒါဝူဒ်(အလိုင်)ကိုပေါ်ထွန်းစေခဲ့ပါတယ်။  အနှိုင်းမဲ့ကိုးကွယ်ရာ  မြတ်အလ္လာဟ်ရဲ့အမိန့်ကိုနာခံပြီး

လွတ်လပ်တဲ့ဒေသတစ်ခုကို  ထူထောင်ခဲ့ကြပါတယ်။  တမန်  တော်ဒါဝူဒ်(အလိုင်)ကွယ်လွန်တဲ့အခါ  သားတော်တွေထဲက

စုလိုင်မာန်(အလိုင်)သခင်ကို အလ္လာဟ်က တမန်တော်တာဝန်နဲ့ ဘုရင်တာဝန်(၂)ခုစလုံး ချီးမြှင့်ခဲ့ပါတယ်။ ဒါနဲ့ပတ်သက်လို့အနှိုင်းမဲ့ကိုးကွယ်ရာ မြတ်အလ္လာဟ်က

          “၎င်းပြင်  စုလိုင်မာန်သည်  ဒါဝူဒ်၏  အရိုက်အရာကို  ဆက်ခံခဲ့သည်။  ၎င်း(တမန်တော်  စုလိုင်မာန်)က-  အို---

လူအပေါင်းတို့  ငါတို့သည်  ငှက်တို့၏ဘာသာစကားကို  သင်ကြားပေးခြင်း  ခံခဲ့ရ၏။  မုချဧကန်  ဤသည်

အမှန်ပင်ထင်ရှားလှစွာသော  ကျေးဇူးတော်ပင်ဖြစ်သည်-ဟု  ပြော  ကြားခဲ့လေသည်။  ထို့အပြင်  စုလိုင်မာန်အဖို့

သူ၏တပ်များသည်  ဂျင်န်(မမြင်ရသောဖန်ဆင်း  ခံများ)၊  လူများနှင့်  ငှက်များဖြင့်  စုစည်းစေခြင်းခံခဲ့ရ၏။  ၎င်းတို့သည်

အဆင့်အတန်းအလိုက်  အစီအစဉ်တကျ  စီတန်းစေခြင်း  ခံခဲ့ကြရ၏။  ၎င်း(တပ်)တို့သည်  ပုရွက်ဆိတ်တောင်ကြားသို့

ရောက်ရှိခဲ့သောအခါ  ပုရွက်ဆိတ်တစ်ကောင်က  “အို-ပုရွက်ဆိတ်အပေါင်းတို့၊  မိမိ၏တွင်းများ

ထဲသို့ဝင်ရောက်ကြကုန်လော့။  စုလိုင်မာန်နှင့်  သူ၏တပ်တို့သည်  အသင်တို့အား  မသိဘဲတက်နင်းမိကြလိမ့်မည်”  ဟု

ပြောကြားခဲ့လေသည်။  ထိုအခါ  ၎င်း(တမန်တော်  စုလိုင်မာန်)သည်  ထိုပုရွက်ဆိတ်၏  စကားကြောင့်  ပြုံးရယ်ခဲ့လေသည်။

“အို-ကျွန်တော်မျိုးအားပြုစုပျိုးထောင်တော်မူသောအရှင်မြတ်၊ကျွန်တော်မျိုးနှင့်ကျွန်တော်မျိုး၏

မိဘနှစ်ပါးအပေါ်အရှင်ပြုတော်မူခဲ့သောစည်းစိမ်ချမ်းသာနှင့်စပ်လျဉ်း၍ကျွန်တော်မျိုးအား ကျေးဇူးသိတတ်

စေတော်မူပါ။အရှင်မြတ်နှစ်မြို့တော်မူသည့်  ကောင်းမြတ်သောအကျင့်များကိုလည်း  ဆောက်တည်နိုင်စွမ်း 

ပေးသနားတော်မူပါ။ထို့အပြင်  အရှင်မြတ်၏  ကရုဏာတော်  ဖြင့်  ကျွန်တော်မျိုးအား  အရှင်မြတ်၏    သူတော်စင်အစေတော်တို့တွင်ဝင်ရောက်ပါဝင်ခွင့် ပေးသနားတော်မူပါ။” (ကုရ်အာန် ၊ ၂၇း၁၆-၁၉)

မန်သွိက်  ----  သတ္တ၀ါအချင်းချင်း ဆက်သွယ်သောစကား

          အခုဖေါ်ပြတဲ့  အာယသ်လမ်းညွှန်တော်အရ  တမန်တော်စုလိုင်မာန်(အလိုင်)ရဲ့တပ်ထဲ  မှာ  ဂျင်န်လို့ခေါ်တဲ့

အခိုးမဲ့မီးနဲ့  ဖန်ဆင်းခံထားရတဲ့သူတွေ၊  မြေနဲ့ဖန်ဆင်းခံထားရတဲ့  လူသား  တွေ၊  လေပေါ်မှာပျံသန်းသွားလာနိုင်ကြတဲ့

ငှက်သတ္တ၀ါတွေပါဝင်ခဲ့ပါတယ်။ ဒီအပြင် ကုရ်အာန် (၃၄း၁၂-၁၄)အရ တမန်တော်စုလိုင်မာန်ဟာ လေကိုလည်း နိုင်တယ်။

ကြေးနီကိုလည်း  နိုင်တယ်  စသည်ဖြင့်  ဖေါ်ပြထားပါတယ်။  လူအပါအ၀င်  သတ္တ၀ါတွေအချင်းချင်း  သက်ဆိုင်ရာ

သဘာဝအလိုက်  ဆက်သွယ်ပြောဆိုမှုတွေ  ရှိနေတယ်ဆိုတာကို  လွန်ခဲ့တဲ့နှစ်ပေါင်း(၁၄၀၀)  ကျော်ကတည်းက

ဖန်ဆင်းရှင်က ကုရ်အာန်ထဲမှာ ဖေါ်ပြထားပြီးဖြစ်ပါတယ်။

တမန်တော်စုလိုင်မာန်သည် “မန်သွိက်” ကိုနားလည်ခြင်း

          သိပ္ပံပညာ  ကောင်းစွာမထွန်းကားခင်က  တိရစ္ဆာန်တွေ  စကားနားလည်တယ်ဆိုတာ  ပုံပြင်ဒဏ္ဍာရီလိုပဲ

လက်ခံခဲ့ကြတာပါ။  လက်တွေ့မှာ  လက်မခံနိုင်ခဲ့ကြပါဘူး။  ဒါကြောင့်  အချို့  ပုဂ္ဂိုလ်တွေက  တမန်တော်စုလိုင်မာန်ဟာ

ပုရွက်ဆိတ်မလေးရဲ့စကားကိုကြားပြီး  သဘောကျ  လွန်းလို့ပြုံးရယ်သွားတယ်ဆိုတဲ့  ကုရ်အာန်ရဲ့ဖေါ်ပြချက်ကို

တိုက်ရိုက်လက်မခံနိုင်တဲ့အတွက်  ပုရွက်ဆိတ်တောင်ကြားဆိုတာ  ပုရွတ်ဆိတ်သတ္တ၀ါတွေကိုပြောတာမဟုတ်ဘူး။

ပုရွက်ဆိတ်  (နမလ်)  လို့အမည်ရှိတဲ့  လူမျိုးစုတွေ  နေတဲ့တောင်ကြားကို  ဆိုလိုတာပါဆိုပြီးတောင်  ဖွင့်ဆိုခဲ့ကြ  ပါတယ်။

ဒါပေမယ့်  အခုအခါမှာတော့  သတ္တ၀ါတွေ၊  သစ်ပင်တွေအချင်းချင်းဆက်သွယ်တဲ့စနစ်  တွေကို  သိပ္ပံပညာက

ရှာဖွေတွေ့ရှိသွားပြီဖြစ်ပါတယ်။  သစ်ပင်တွေ၊  တိရစ္ဆာန်တွေဟာ  လူသားလိုပဲ  သက်ရှိဖြစ်ပါတယ်။

သူတို့ရဲ့ခန္ဓာကိုယ်တွေကို  ဆဲလ်၊  ကလပ်စည်းတွေနဲ့ဖွဲ့စည်းတည်  ဆောက်ထားကြပါတယ်။  သစ်ပင်တွေဟာ

မရွေ့လျားနိုင်တဲ့  သက်ရှိဖြစ်လို့  သူတို့ကို  ဖန်ဆင်းရှင်က  အစိမ်းရောင်(ကလိုရိုဖီး)  တွေပေးထားပြီး  သူရှိတဲ့နေရာမှာရေ၊မြေ၊ လေ၊ မီး သဘာဝတွေကို စုပ်ယူပြီး အစာချက်နိုင်ကြပါတယ်။ သတ္တ၀ါတွေကတော့ ရွေ့လျားနိုင်ကြပါ တယ်။ သူတို့မှာ

လူသားလို ၀ိညာဉ်(Soul)နဲ့ ဆင်ခြင်တုံတရား(Reason)၊ အသိဥာဏ် (Intellect)၊ လွတ်လပ်စွာရွေးချယ်ပိုင်ခွင့် (Free-will)မရှိကြပါဘူး။  သူတို့မှာ  သဘာဝအသိ  (Instinct)  သာရှိကြပါတယ်။  အဲဒီသဘာဝအသိနဲ့  ဖန်ဆင်းရှင်အလ္လာဟ်

ထုတ်ပြန်ပို့ချတဲ့  ၀ဟီ  လမ်းညွှန်ကို  တစ်သွေမတိန်း  လိုက်နာ  ကျင့်သုံးနေကြတဲ့အတွက်  အစ္စလာမ်သာသနာကို

ကျင့်သုံးနေခြင်းပဲ  ဖြစ်ပါတယ်။  ဒါကြောင့်  အနှိုင်းမဲ့ကိုးကွယ်ရာ  မြတ်အလ္လာဟ်က  သစ်ပင်တွေ၊  သတ္တ၀ါတွေကို

ဥာဏ်မျက်စိနဲ့ကြည့်တတ်ရင်  ဖန်ဆင်းရှင်အလ္လာဟ်ရဲ့  သက်သေလက္ခဏာတွေကို  တွေ့နိုင်မှာဖြစ်ကြောင်း

သွန်သင်ထားခြင်းပဲဖြစ်ပါတယ်။  သစ်ပင်နဲ့  တိရစ္ဆာန်တွေဟာ  သက်ရှိဖြစ်ပေမယ့်  ဆင်ခြင်တုံတရားနဲ့

လွတ်လပ်စွာရွေးချယ်ပြုပိုင်ခွင့်မရှိကြလို့သူတို့မှာကုသိုလ်-အကုသိုလ်ဆိုတာမရှိကြဘဲဂျန်နသ်(နိဗ္ဗာန်)နဲ့ ငရဲဆိုတာလည်းသူတို့အတွက် မရှိကြပါဘူး။

ပုရွက်ဆိတ်အချင်းချင်း ဆက်သွယ်သောဘာသာစကား

ခေတ်သစ်သိပ္ပံရဲ့သုတေသနများအရ  ပုရွက်ဆိတ်တွေဟာ  အချင်းချင်းပုရွက်ဆိတ်သဘာဝနဲ့အညီ  စကားပြောရုံသာမကမကြာခဏ  အစည်းအဝေးတောင်ကျင်းပကြကြောင်း  တွေ့ရှိလာခဲ့ရပါတယ်။  တစ်ကောင်  နဲ့တစ်ကောင်  ဆက်သွယ်ချင်ရင်မိမိရဲ့အာရုံခံအတံနဲ့ ကျန်တစ်ကောင်ရဲ့ခေါင်းကို ပုတ်လိုက်ပါတယ်။ သူတို့ တွေဟာ ဓါတုဗေဒနည်း၊ ထိတွေ့မှု၊ အသံ၊ အနံ့၊

အမြင်စတဲ့နည်းတွေနှင့်  အချင်းချင်းဆက်သွယ်စကား  ပြောလေ့ရှိကြပါတယ်။  ဒီ့အပြင်  ပုရွက်ဆိတ်တွေဟာသူတို့ရဲ့ခန္ဓာကိုယ်ကို  ပုရွက်ဆိတ်အိမ်  တစ်စိတ်တစ်ပိုင်းကို  ပုတ်ခတ်ပြီး  အသံတွေကိုလည်း  ဆင့်ပြန်နိုင်ကြပါသေးတယ်။သူတို့အစာကို  ရှာတွေ့ရင်  သူတိုနောက်မှာ  ဓါတု  ပစ္စည်းနဲ့ပြုလုပ်ထားတဲ့  အရာတစ်ခုတန်းလန်းချကြပါတယ်။ဖေရိမုန်းစ်(Pheromones) လို့ခေါ်ပါတယ်။ ကျန်ပုရွက်ဆိတ်တွေက မိမိတို့ရဲ့ အာရုံခံအတံ(antenna) တွေကို အသုံးပြုပြီး

အဲဒီလမ်းကြောင်းအတိုင်း  နောက်  ကလိုက်သွားကြခြင်းဖြစ်ပါတယ်။  အခုဆိုရင်  ပုရွက်ဆိတ်လောကနဲ့  ပတ်သက်တဲ့အချက်အလက်များစွာတွေ့ရှိ နေပြီဖြစ်ပါတယ်။

            ထူးခြားတာတွေက  ပုရွက်ဆိတ်အမျိုးပေါင်း(း၈၀၀၀)လောက်ရှိတယ်။  အရွယ်အားဖြင့်  (၀.၀၈)  လက်မကနေ၂လက်မအထိ  ရှိတတ်ကြပါတယ်။မိမိခန္ဓာကိုယ်ထက်အဆ(၂၀)ကျော်လေးတဲ့အလေးချိန်ကို  မနိုင်ကြတယ်။သူတို့ဟာအလွန်သန့်ရှင်းကြတယ်။  သူတို့ရဲ့အာရုံခံအတံ(antenna)ကို  သန့်ရှင်းဖို့  သူတို့ခြေ  ထောက်လေးတွေကိုသုံးကြတယ်။  သူတို့မှာ  ရေမွှေးလို  ထူးခြားတဲ့အနံ့တစ်မျိုးရှိကြတယ်။  ပုရွက်ဆိတ်ဘုရင်မက  ဥတွေဥချလိုက်ရင်ပုရွက်ဆိတ်အလုပ်သမားတွေက  ဥတွေကိုပါးစပ်က  ကိုက်ချီပြီး  နွေးထွေးလုံခြုံတဲ့  အထူးခန်းမှာ  သွားထားကြတယ်။ရန်သူလာရင်လည်း  သွားပြီးကာကွယ်ပေးကြတယ်။  ကြီးမားတဲ့အစောင့်ပုရွက်ဆိတ်  တွေရဲ့တာဝန်ကတော့  ပုရွက်အိမ်ကို

ပတ်ချာလှည့်ပြီး  ကာကွယ်ဖို့ပါပဲ။  ပုရွက်ဆိတ်တပ်ကတော့  ပုရွက်ဆိတ်အုံ  တစ်ခုမှာ  အကြာကြီးမနေကြပါဘူး။စစ်သားတွေလို  လိုင်းစီပြီး  ချီတက်သွားတတ်ကြပါတယ်။  ပုရွက်ဆိတ်  အကောင်  တစ်သိန်းခွဲလောက်အထိပါဝင်နိုင်ပါတယ်။  ပုရွက်ဆိတ်သေသွားရင်လည်း  မြုပ်နှံလေ့ရှိကြပါတယ်။  အထူးသဖြင့်  အလုပ်တာဝန်ခွဲဝေမှုစနစ်ကို

အံ့ဖွယ်တွေ့မြင်ရပါတယ်။  မန်နေဂျာတွေ၊  ကြီးကြပ်သူတွေ၊  အလုပ်  သမားခေါင်းဆောင်တွေနဲ့

အလုပ်သမားတွေသဘောပါပဲ။  အချင်းချင်းလည်း  “Chat”  စကားပြောလေ့  ရှိကြပါတယ်။  ပစ္စည်းလဲလှယ်တဲ့ဈေးသဘောမျိုးလည်း  ရှိကြပါတယ်။  ဆောင်းတွင်းမှာ  သစ်စေးတွေကို  သိုလှောင်လေ့  ရှိကြပါတယ်။  ဒီသစ်စေးတွေစိုစွတ်လာရင်  နေရောင်ထဲထုတ်ပြီး  ခြောက်သွေ့အောင်  လုပ်ပေးလေ့လည်းရှိကြပါတယ်။  လမ်းပိတ်တာကိုမနှစ်သက်ဘဲအခြားလမ်းများ ရှာသွားလေ့ရှိပါတယ်။

            ဒီအချက်တွေဟာ ဖန်ဆင်းရှင်အလ္လာဟ်ရဲ့ ကုရ်အာန်ကျမ်းမြတ်ရဲ့ အံ့ဖွယ်ထူးခြားချက်တွေကို

ဖေါ်ညွှန်းနေခြင်းပဲဖြစ်ပါတယ်။

ကျေးဇူးသိတတ်ခြင်း

တမန်တော်ကြီးစုလိုင်မာန်(အလိုင်)ပုရွက်ဆိတ်မလေးရဲ့စကားကိုကြားတော့ဝမ်းသာအားရပြုံးရယ်ပြီးအနှိုင်းမဲ့
ကိုးကွယ်ရာကိုဆင်ခြင်သတိရခဲ့ပါတယ်။အထူးသဖြင့်ကျေးဇူးတရားသိတတ်ပြီးအလ္လာဟ်အပေါ်မှာတာဝန်ကျေ
တဲ့သူတစ်ယောက်ဖြစ်ဖို့နှလုံးသွင်းခဲ့ပါတယ်။ကိုယ့်မှာရှိတဲ့အရည်အချင်းတွေကိုမောက်မာမှုအတွက်မသုံးဘဲအ
မှန်တရားနဲ့တရားမျှတမှုအတွက်အသုံးချနိုင်အောင်ကြိုးစားရမှာဖြစ်ပါတယ်။ဒါပေမယ့်ကျေးဇူးတရားနဲ့အမှန်တ
ရားယှဉ်လာရင်အမှန်တရားကိုဦးစားပေးရမှာဖြစ်ပါတယ်။မိဘနဲ့ဆရာစကားကိုအလေးထားဆောင်ရွက်ရ
မှာဖြစ်ပေမယ့်သူတို့တွေရဲ့စကားဟာအလ္လာဟ်နဲ့တမန်တော်ရဲ့စကားနဲ့ဆန့်ကျင်နေရင်တော့လိုက်နာဖို့တာ
ဝန်မရှိပါဘူး။ယဉ်ကျေးစွာပြန်ရှင်းပြဖို့လိုပါတယ်။လူသားတိုင်းဟာဖန်ဆင်းရှင်အလ္လာဟ်ရှေ့မှာစစ်ဆေးခံကြရ
မှာဖြစ်ပါတယ်။အနှစ်ချုပ်ကတော့အလ္လာဟ်ရဲ့လမ်းညွှန်ကုရ်အာန်ကျမ်းကိုမှတ်ကျောက်တင်ပြီးတမန်တော်
မုဟမ္မ(ဒ်(ဆွ)ရဲ့စံနမူနဲ့အညီကျင့်သုံးကြဖို့တမန်တော်ကြီးစုလိုင်မာန်ရဲ့ဆုဒုအာကို  နှလုံးသွင်းကြဖို့နှိုးဆော်လိုက်ပါတယ်။

မုဖ်သီဦးမြင့်သိန်း (ငြိမ်းချမ်းလုလင်)